अस कस रे हे नातं.....तुझ आणी माझ

ना पाहिलं ना भेटलं
फ़क्त शब्दांत अनुभवलं
कधी साथ देत तर कधी
कोवळ्या वादात गुंतलेलं

मी ऎकलेय भाव तुझे
तुझे शब्द माझ्याशी बोलतात
हसत, खेळत, बागडत
कागदावर असेच उतरतात

तु गातोस शब्द माझे
ते ओठांत तुझ्या फ़ुलतात
सहज, सुंदर, सुमधुर
मनात येवुन गुणगुणतात

तु कधी असा तर कधी कसा
रंग बदलणारा बहुरुपिया जसा
मनाच्या खोलीत खोल शिरत
गोल फ़िरणारा भोवरा जसा

तुझे बदलणारे रंग
माझ्यात रंग भरतात
भोवर्‍यात गोल फ़िरत
माझे श्वास गुंतवतात

तुझे असणारे आभास
माझ्यात जिव ओततात
एकटेपणात अलगद येवुन
सोबतीची चाहुल देतात

माझ्या मनात मी
तुला असच कोरलय
प्रत्यक्ष न भेटता
माझ्यातुनच तुला चोरलय

अस कस रे हे नातं.....तुझ आणी माझ

वाट पाहते

वाट पाहते तुझी अशी मी ..........

तृप्त सुखाच्या निवांत कुरणी

सरीत पहिल्या

साज लेवुनी धूळ फुलांचा,

होवून पाऊलवाट सुगंधा

वाट पाहते तुझी अशी मी ..........

अत्रुप्तीच्या खुल आभाळी

अंधारामधी,

नक्षत्रांची उटी लावुनी

स्वर्गंगा की तेजोगंधा

वाट पाहते तुझी अशी मी............

वातेपरी भावोत्कट होवून

वाटच होवून

वाट पाहते तुझी अशी मी ...........

किल्ला तलाव

देणे-घेणे

आरोळी ओळीतून ठोकतो

प्रतिसाद मला द्या

शब्दानी शस्त्रे वाटतो,

आवाज मला द्या!

जिंदगी ही माझी-तुमची,

आहेच अशी खडतर

सांत्वनांचे सुर देतो

नवे गाणे मला द्या !!

खाचखळग्यांची पायवाट,

सार्याँच्याच पायाखाली येते,

नव्या वाटा मी देतो ,

स्वप्नांचे गाव मला द्या !!!

-अनिश शाम सुतार

बेळगांव