पाऊस बालपणीचा
व्रात्य खोडकर मुलासारखा
कागदाच्या होडया करायला लावून
चिखलात मनसोक्त भिजवणारा
पाऊस शाळेच्या वयातला
दप्तर आणि रेनकोट सावरत
लवकर शाळा सुटण्याची
वाट पहायला लावणारा...
पाऊस तरुण वयातला
एकाच छत्रीत फिरताना
नकळत होणार्या स्पर्शाने
अंगावर रोमांच फुलविणारा...
पाऊस उतारवयातला
तब्येतीला सहन न होणारा
तरीही तारुण्यातील आठवणींनी
मन कासावीस करणारा...
असा पाऊस आठवणीतला...
हवाहवासा वाटणारा!
-विलास समेळ,
कोणत्याही टिप्पण्या नाहीत:
टिप्पणी पोस्ट करा