किती रंग उधळूनी जाई, हा पाऊस बाई बाई
कधी गुमान निघुनी जाई
कधी वाजत-गाजत येई
मृदगंध उधळण्या घाई... हा पाऊस बाई बाई
हा निरोप्याच सजणाचा
वर्षाव करी मदनाचा
अन तन-मन व्यापून जाई... हा पाऊस बाई बाई
पायांस बांधुनी चाळ
हुंदडतो रानोमाळ
डोहात विसावा घेई... हा पाऊस बाई बाई
अवघडल्या बाईवाणी
घन अवघडतो अस्मानी
कोसळून अमृत होई... हा पाऊस बाई बाई
वि. म. बोते, कागल
कोणत्याही टिप्पण्या नाहीत:
टिप्पणी पोस्ट करा